مقالات

بلد السد ...

آخر كلام

فين دلوقتي لما ابن أختي إمبارح قطع شنطة أخوه
ماما وبابا زعلوا منه راحوا السينما وهوه سابوه
عارفين أنا أسكته بإيه.. وعنيه ضحكوا قوي كده ليه
•  •  •
أصلي حكيت له حكاية بجد.. حصلت لما رحنا نزور
بلد السد أبو باب مسحور.. اللي بيبني الهوا والنور
واللي حيروي الأرض البور..
واحد من اللي كانوا زمان.. بيحاربونا مع العدوان
يوم ما قفلنا الشركة إياها.. وشحناها علي أسوان
شفته هناك كان فاتح بقه.. وعنيه كانوا من الغيظ حيطقوا
ماشي بيتكتك عنده رعشة.. طبعاً دي مش رعشة برد
دي حسرة قلب اللي كانوا.. مش عايزينا نبني السد
بعد شوية العمال هتفوا.. يوم الإتنين بكرة يا جدعان
عم أبو خالد جاي يزورنا.. ويبارك أكبر خزان
قرب جنبي أبو نار قايدة.. قال ياحبيبي هنا في غلطة
بكرة مش الإتنين ياحبيبة بكرة اسمه يوم الأحد
رد عليه جدع أسمر عترة قال ياخواجة دي بلد السد
بص يمينك عرق العافية .. شوف إزاي بينقط صهد
بص شمالك شوف ضوافرنا.. في الجرانيت لها برق ورعد
هنا أهوه الوقت بيسبق روحه.. والبنا ماشي قبل الهد
علشان كده قربنا وجبنا .. يوم الإتنين قبل يوم الأحد (حسين السيد -  منير مراد -  شادية)
راجع صدق  الكلمات واللحن والغناء الذي لا ينبع إلا من قلوب مؤمنة بما تقول وذلك بعض من عبقرية تأثير جمال عبد الناصر.